O obxectivo xeral de LÁCTEUS é investigar, desenvolver e validar ingredientes e produtos innovadores —seguros, saudables e sostibles— desde o campo ata o consumidor, integrando dixitalización na granxa, biotecnoloxía para a valorización de materias primas e análise do consumidor e do mercado.
A innovación de LÁCTEUS artéllase en catro grandes eixes que percorren toda a cadea de valor láctea galega.
Prototipos de sensórica avanzada e intelixencia artificial que monitorizan en continuo a calidade do leite e o benestar animal na granxa. Permite detectar patoloxías como a mamite en fases temperás, reducir o uso de antibióticos e optimizar recursos: a gandaría 4.0.
Caracterización de leite A2A2, costro e soro lácteo. Optimización de procesos de hidrólise encimática e tecnoloxías de membrana para identificar péptidos bioactivos con funcionalidades antihipertensivas, antioxidantes, inmunomoduladoras ou dixestivas.
Formulación de prototipos: xeados A2A2, suplementos de costro e nutracéuticos a base de hidrolizado de soro. Validados experimental e sensorialmente para a súa futura transferencia ao mercado.
Estudos de tendencias e plataformas dixitais que integran datos sensoriais, motivacionais e sociais en modelos preditivos de aceptación, garantindo que os novos produtos respondan ás expectativas do consumidor e reforcen a identidade galega.
Caracterizar e valorizar materias primas diferenciadas (leite e costro) como base para produtos de alto valor engadido.
Desenvolver e validar prototipos tecnolóxicos de monitorización en continuo para o control de calidade do leite e o benestar animal.
Avaliar e implementar (bio)tecnoloxías para a obtención de péptidos saudables e a análise de funcionalidades bioactivas e tecnolóxicas.
Formular produtos saudables de alto valor engadido: prototipos de alimentos funcionais e nutracéuticos.
Integrar a dimensión social, cultural e de mercado mediante a co-creación e validación de produtos con consumidores.
Cada paquete de traballo (PT) aborda un tramo da cadea de valor. Desprega cada bloque para ver as tarefas e os socios implicados; todo conflúe no proceso integral de validación.
Materia prima: costro bovino. Caracterización de coprodutos gandeiros de alto valor.
Materia prima: leite A2A2. Selección xenética en granxas experimentais.
Monitorización en continuo da calidade do leite e detección temperá de mamite en gandaría.
Extracción e caracterización de biomoléculas funcionais do costro.
Análise xenética asociada a proxenitores para leite de calidade A2A2.
Hidrólise encimática do soro lácteo para a recuperación de péptidos.
Alimentos funcionais: xeado A2A2 e xeado funcional con costro e hidrolizado.
Nutracéuticos: a base de costro e con péptidos de hidrolizado de soro.
| Título | Investigación en (bio)tecnoloxía láctea para un sector galego de alto valor |
|---|---|
| Acrónimo | LÁCTEUS |
| Programa | Nexos 2025 — Axencia Galega de Innovación (GAIN), Xunta de Galicia |
| Nº de expediente | IN852A 2025/27 |
| Área estratégica RIS3 | Agroalimentación |
| Orzamento subvencionable | 1.499.943,72 € |
| Axuda concedida | 770.775,70 € |
| Cofinanciación | 60 % Unión Europea — programa Galicia FEDER 2021-2027 |
| Duración | Máx. 3 anos · execución ata o 30/09/2028 |
| Coordinación | Clúster Alimentario de Galicia (Clusaga) |
Cinco empresas galegas e tres axentes do coñecemento colaboran en cada paquete de traballo.
Ver o consorcio
Proxecto cofinanciado no marco da convocatoria Nexos 2025. Número de expediente IN852A 2025/27. Cofinanciado pola Unión Europea nun 60 % a través do programa Galicia FEDER 2021-2027.
